السلام عليكم
ادري تأخرت بالبوست هذا لكن الفوتوشوب كان خربان عندي واخيرا صلحته
المهم نبدا
مشترياتي كانت من العثيم مول
العثيم مول اخق واطلق واحلى سوق
بعد ما فتح باث اند بدي وفكتوريا سيكرتس صار احلى سوق عندي
اول شي رحت فكتوريا سيكرتس
وشريت شنط للميك اب
اظن اني برجع اشتري لانها ما تكفي خخ
اكثر شي عجبني في الشنط الشنطه اللي تحت ع اليمين
حلوه للفرش تشيل فرش كثير وكبيره بحيث ان الفرش من يتعفط شعرها فهمتوا خخ
الاسعار ماني متأكده بالضبط ضيعت فاتورتها
اكبر شنطه ب 200 ريال
شنطة الفرش اعتقد 230
اللي فوق شنطة الفرش 95
سوري والله مو متأكده من الاسعار
في اشكال كثير احلى بس اخترت ذا الشكل عشان اضمن لو برجع مرا ثانيه بلقاه
هذي الشنط كانت جديده ماعليها تخفيض
وبعد اخذت من عندهم لوشن وعطر للجسم
ريحته روعه مرررا
وكان عليه تخفيض
كان الواحد ب 60 صار ب 30 ريال
وعطورات المحل عموما شي يخقق
بعدين رحت باث اند بدي
وكانت هذي اول زياره لي للمحل
وخذيت لوشنين
وشي مكتوب عليه
ببل باث
جربته في صحن طلع لي رغوه كثير خخ
اللوشنز واحد ب 25 والثاني 47
الببل باث ب 37
واكثر شي كنت متحمسه له الشموع
وكانت صدمة عمري
وربي جاني غثيان ولا تعشيت من الروائح
مدري في احد يشتريها ولا لا خخ
الزبده اخترت احلى 3 شموع
الشموع الكبيره كانت 95 وصارت 47 ريال
والصغيره كانت ب 45 وصارت ب 11 ريال
وبعدين رحت لماك
اول شي شريته
فرشه لكريم الاساس او اي شي كريمي
رقمها 130
وسعرها 237
شريت رموش للسهرات اعجبني فيها انها طويله من الاطراف الخارجيه وقصيره من الداخليه يعني شكلها طبيعي
رقمها 36
سعرها 80 ريال
وخذيت بعد غرا الرموش اللي ادور عليه من زمان
ويوم فتحت الدرج تطلع لي الرموش بالصدفه شفته
سعره 62
واخر شي اخذته من ماك لوس شادو
اسمه tan
(تان)
وفي الصوره سوتش له
سعره 120
بعدها رحت لسنتر بوينت
ماركة NYX
اول شي اخذته ارواج المات من كثر ما سمعت مدح عنها
اخذت 3 الوان بس
وهذي صورها مع السوتش والاسامي والاسعار
TEA ROSE
WHIPPED CAVIAR
PERFECT RED
سعر الروج الواحد 26
وخذيت بعد هذا المات قلوس
قد جربته اول واعجبني مرا لما تحطينه ينشف ويطلع لونه طبيعي
سعره 31 ريال
واخر شي من NYX
بلشر كريمي لونه اورنج وفيه شمر ذهبي
وبس هذي هي مشترياتي واسفه مرا ثانيه ع التأخير ماكان بيدي
وان شا الله راح اسوي ريفو عنها لما استخدمها مده كافيه