السلام عليكم ورحمة الله وبركاته 
كل عام وانتو بخير ولو انها متأخره شوي 
الاجازه هذي ابدا ما استقريت بمكان لكن بحاول اني انزل بوستات بانتظام لين ارجع لبيتنا 
بوست اليوم راح اعرض لكم فيه كذا طريقه لتنسيق البنطلون الابيض والاسود المخطط اللي شفناه كثير ومازال دارج
اول لوك نسقت معاه قميص ابيض اوفر سايز وفوقه جاكيت نيلي
والكعب حطيت كعب عود رسمي
حبيت اللوك يكون رسمي وبنفس الوقت كسرت اللون بالجاكيت النيلي
---------
اللوك الثاني نعوم شويا
حطيت بلوزه بلون الاخضر الباستيل وعشان اعطي اكثر حيويه حطيت سلسال لونه اورنج فاقع شوي
والكعب اخترته اسود عشان ما اكثر الوان 
-------
ثالث لوك رسمي وناعم بنفس الوقت
حطيت عليه قميص عودي مع سلسال ذهبي
وكعب بنفس لون القميص
---------
هذا لوكي المفضل
جريئ وينفع تلبسيه عند صحباتك مثلا
بدي ملون بجميع الالوان وشوز معدني رصاصي مع شرايط فوشيه
وشوز معدني رصاصي مع شرايط فوشيه
يعني ستايل صبياني شوي على قولتهم 
------
خامس لوك كاجول شوي
بدي عليه ريش ملون وقميص نيلي فوقه مع شوز اسود
البسيه في جمعه لصحباتك المقربات جدا جدا
------
اللوك السادس شيك وينفع لمناسبه
البلوزه هذي والله ما اعرف ايش اسمها هههههه 
ونسقت معاها كعب عودي عشان يفخم اللبس اكثر
مع اكسسوار ذهبي بتطلعين اخق شي 
وهذا كل اللي عندي اليوم اتمنى اني افدتكم وعطيتكم افكار اكثر
اكتبوا لي اكثر شي عجبكم اي ستايل ؟
واعذروني ع التصوير اول مرا اصور ملابس وصورت قبل ما اسافر وكنت مستعجله وكيذا 
اشوفكم في بوست جديد قريب ان شا الله 
اني محجبة وضروري البس شي طويل مع البنطرون بس مو عارفة كيف
ردحذفجميل
ردحذف